Kristinn mun áfrýja til Landsréttar

Sýknudómi Héraðsdóms Reykjavíkur í máli Kristins Sigurjónssonar, fyrrverandi lektors við Háskólann í Reykjavík, gegn skólanum verður áfrýjað til Landsréttar.

Frétt af mbl.is

HR sýknaður af kröfum Kristins

Þetta fullyrðir Jón Steinar Gunnlaugsson, lögmaður Kristins. „Það er ljóst að þetta verður aldrei endanleg niðurstaða í málinu,“ segir hann. „Það verður aldrei unað við þetta.“

Krist­inn stefndi skól­an­um vegna upp­sagn­ar hans í októ­ber í fyrra en ástæða henn­ar voru um­mæli sem hann hafði uppi á net­inu. Hann krafði skól­ann um 66 mánaða laun, eða tæp­lega 57 millj­ón­ir króna, sem hann taldi sig eiga rétt á þar sem hann kenndi áður hjá Tækni­skól­an­um í Reykja­vík og var þar op­in­ber starfsmaður.

Kristinn ásamt Hlyni Jónssyni lögmanni í héraðsdómi fyrr í dag. mbl.is/Freyr

Jón Steinar bætir við að athyglisvert sé hvað sumar dómsúrlausnir komi honum á óvart, þótt hann „telji lögfræðina í því standa til annarra hluta“.

„Í sjálfu sér er þetta orðið þannig að maður getur átt von á hverju sem er, sama hvað manni finnst um hinar lagalegu röksemdir. Þetta er bara reynslan eins og hún er orðin, og því miður liggur mér við að segja.“

• 4 blogg um fréttina

Bloggað um fréttina

• Páll Vilhjálmsson: Dómari: tjáningarfrelsið má takmarka ef upplifun er vond
• Helga Dögg Sverrisdóttir: Slæm niðurstaða
• Gunnlaugur I.: Tjáningarfrelsið lítilsvirt með dómi Héraðsdóms, þar sem HR er sýknað …
• Heimir Lárusson Fjeldsted: Heiður