Fleiri landsmenn hafa verið andsnúnir inngöngu Íslands í Evrópusambandið en hlynntir í öllum skoðanakönnunum sem birtar hafa verið hér á landi undanfarinn rúman áratug óháð því hvaða stofnun eða fyrirtæki hefur framkvæmt kannanirnar.

Fram kemur á vefsíðu MMR að tæplega helmingur landsmanna, eða 49%, sé nú andvígur því að Ísland gangi í Evrópusambandið miðað við nýjustu skoðanakönnun fyrirtækisins sem lauk 19. ágúst en innan við þriðjungur hlynntur því. Ef aðeins er tekið mið af þeim sem taka afstöðu með eða á móti eru rúmlega 61% andvíg en 39% hlynnt.

Frétt af mbl.is

Fleiri á móti inngöngu í átta ár

Fyrst eftir að viðskiptabankarnir þrír féllu haustið 2008 jókst stuðningur við inngöngu í Evrópusambandið en dróst síðan saman smám saman þar til skoðanakönnun sem Gallup gerði fyrir hugveituna Andríki í júlí 2009 sýndi fleiri andvíga inngöngu.

Fjölmargar skoðanakannana hafa verið gerðar um afstöðuna til inngöngu í Evrópusambandið á þeim tíu árum sem liðin eru síðan, meðal annars af MMR, Gallup, Félagsvísindastofnun Háskóla Íslands, Fréttablaðinu/Stöð2, Maskínu og Zenter, sem allar hafa verið á þessum sömu nótum.

Graf/MMR

Tengdar fréttir

Ísland og ESB

Óttast einangrun og hóta neitunarvaldi

• Vilja endurupptöku á viðræðum um aðild að ESB
• Sekta ekki skip sem uppfylla ekki kröfur
• Hitnar í kolum vegna fiskveiði
• ESB gerir athugasemd við fetaost frá MS

» Fleiri tengdar fréttir

• 1 blogg um fréttina

Bloggað um fréttina

• Jóhann Elíasson: ÆTLI FÓLK HAFI EITTHVAÐ KYNNT SÉR ESB OG UPPBYGGINGU OG …