Að öllu óbreyttu ættu úrslit atkvæðagreiðslna um vinnustöðvun félaga í Blaðamannafélagi Íslands að liggja fyrir síðdegis á morgun. Kosið verður um fjórar vinnustöðvanir í næsta mánuði og er sú fyrsta fyrirhuguð föstudaginn 8. nóvember.

Fulltrúar Blaðamannafélagsins og Samtaka atvinnulífsins hittust á stuttum fundi hjá ríkissáttasemjara núna í morgun og hafa auk þess verið boðaðir á vinnufund þar síðar í dag.

Kosið verður á fimm stöðum á morgun. Fyrst verður kosið á Morgunblaðinu klukkan 9:30 um morguninn, á RÚV klukkan 10:30 og kosið verður á Sýn klukkan 11:30.

Klukkan 12:30 verður kosið á Fréttablaðinu og klukkan 13:30 til 17:00 í húsnæði Blaðamannafélagsins í Síðumúla. Talið verður að loknum kjörfundi og úrslitin birt í beinu framhaldi.

Tekið skal fram að blaðamaður og flest­ir aðrir blaðamenn á rit­stjórn mbl.is og Morg­un­blaðsins eru fé­lag­ar í Blaðamanna­fé­lagi Íslands.

Tengdar fréttir

Kjaraviðræður

„Verulegur framgangur“ og fjölmiðlabann í deilunni

• KÍ: „Rannsóknarefni“ hvernig Inga tjáir sig
• Þarf að koma til móts við ólíkar þarfir lækna
• Þung staða í kjaradeilu kennara
• Reiðubúin að aflýsa verkföllum í fjórum leikskólum

» Fleiri tengdar fréttir

• 1 blogg um fréttina

Bloggað um fréttina

• Ómar Ragnarsson: Aðdragandi Hrunsins og Hrunið sjálft ollu miklum usla hjá fjölmiðlunum.