Miðflokk­ur­inn aug­lýs­ir eft­ir reynslu­sög­um í Morg­un­blaðinu í dag, sög­um frá fólki sem hef­ur lent í „kerf­inu“. Flokk­ur­inn hyggst gera það að for­gangs­verk­efni að tak­ast á við „báknið“. 

„Hef­ur þú mætt óbil­girni af hálfu hins op­in­bera? Hef­ur þú upp­lifað óeðli­leg­ar hindr­an­ir stjórn­kerf­is­ins við stofn­un eða rekst­ur fyr­ir­tæk­is eða í dag­legu lífi?“ seg­ir meðal ann­ars í heilsíðuaug­lýs­ingu flokks­ins. 

Miðflokk­ur­inn aug­lýs­ir eft­ir reynslu­sög­um í Morg­un­blaðinu í dag. Skjá­skot/​Morg­un­blaðið

Segja far­ir sín­ar ekki slétt­ar

„Við þing­menn­irn­ir höf­um rekið okk­ur á það á fund­um í sum­ar og ekki síst í haust á ferðum okk­ar um landið að alls staðar er fólk með sög­ur af viður­eign sinni við kerfið og seg­ir far­ir sín­ar ekki slétt­ar,“ seg­ir Sig­mund­ur Davíð Gunn­laugs­son, formaður Miðflokks­ins, í sam­tali við mbl.is. 

Mark­mið her­ferðar­inn­ar er að kort­leggja eðli vand­ans til að geta tek­ist á við hann með til­lög­um að lausn­um. Reynslu­sög­urn­ar verða nýtt­ar til að vinna stefnu, frum­vörp og þings­álykt­un­ar­til­lög­ur til að ein­falda ýmis reglu­verk, að sögn Sig­mund­ar. „Við erum kannski ekki í aðstöðu til þess að fram­kvæma allt strax en við mun­um láta á það reyna og von­umst til þess að rík­is­stjórn­in verði jafn­vel sam­vinnuþýð hvað eitt­hvað af þessu varðar,“ seg­ir Sig­mund­ur. 

Sig­mund­ur seg­ir sög­urn­ar og aðstæður fólks­ins og fyr­ir­tækja ólík­ar. „Þetta eru sög­ur af því að kerfið er að þvæl­ast fyr­ir þeim með óeðli­leg­um hætti eða bara ein­stak­ling­ar í dag­legu lífi sem eru að lenda í erfiðleik­um með þetta. Eft­ir að hafa heyrt þetta marg­ar og ólík­ar sög­ur kom­umst við að þeirri niður­stöðu að það væri best að fá heild­ar­mynd yfir ástandið sem við get­um brugðist við.“ 

Öfug þróun síðustu ár

Sig­mund­ur seg­ir að í sinni ráðherratíð hafi hann reynt að „tak­ast á við báknið“ og vís­ar hann meðal ann­ars í plagg og hand­bók sem gef­in var út í for­sæt­is­ráðuneyt­inu í hans tíð árið 2014.  „Svo hef­ur mér þótt mjög lítið verða úr þessu og öfug þróun hafa haldið áfram. Að vísu fagnaði ég viðleitni ráðherra til að henda út óþörf­um reglu­gerðum, það var fín byrj­un,“ seg­ir Sig­mund­ur og vís­ar í áætlan­ir tveggja ráðuneyta um niður­fell­ingu yfir þúsund reglu­gerða og aðgerðir sem bein­ast að því að gera ís­lenskt reglu­verk aðgengi­legt og auðskilj­an­legt. 

Frétt af mbl.is

„Við erum fyrst og fremst að taka til“

„En það var eins og mér sýnd­ist fyrst og fremst dauðar reglu­gerðir sem höfðu enga þýðingu. Það mun þurfa meira til og það er kannski erfiðari hlut­inn, þegar þarf að breyta og laga regl­ur sem eru virk­ar og fara í kerf­is­breyt­ing­ar, það mæt­ir alltaf ákveðinni mót­stöðu. Þá er betra að vera bú­inn að gera sér grein fyr­ir hvernig vand­inn lít­ur út og hvernig best er að ráðast til at­lögu við hann,“ seg­ir Sig­mund­ur. 

Hann nefn­ir dæmi um smá­báta­sjó­mann sem hafði rekið sig á kerfið vegna lönd­un­ar­skýrslna þegar hann vildi fara að veiða mak­ríl í stað þorsks og lítið lyfja­fyr­ir­tæki sem átti á hættu að þurfa að loka vegna nýs frum­varps til lyfja­laga þar sem ekki var gert ráð fyr­ir starf­semi lít­illa fyr­ir­tækja. „Það er eins og kerfið öðlist sjálf­stætt líf og menn vita jafn­vel ekki af hverju hlut­irn­ir eru eins og þeir eru. Það er að mínu mati mik­il­væg­ur liður í þessu að það sé ljós­ara hvar ábyrgðin ligg­ur.“

Sig­mund­ur seg­ist allt eins eiga von á því að sög­urn­ar verði marg­ar. „Ég hafði hugsað mér að vekja at­hygli á þess­um mál­um en ég þurfti þess yf­ir­leitt ekki, hvort sem það var á opn­um fund­um eða í heim­sókn­um til fyr­ir­tækja, það voru svo marg­ir sem lá margt á hjarta um þetta.“ 

Tengd­ar frétt­ir

Alþingi

Rétt ákvörðun en spjót­in bein­ast að Kristrúnu

• Sig­urður Ingi æst­ur
• Inga: „Óþarfa áhyggj­ur“
• Inga: „Flokk­ur fólks­ins seg­ir nei“
• Inga: Ekki skipt um skoðun og eng­in hrossa­kaup

» Fleiri tengd­ar frétt­ir

• 2 blogg um frétt­ina

Bloggað um frétt­ina

• Ásgrím­ur Hart­manns­son: Þetta er nóg efni í sér vefsíðu
• Jó­hann­es Ragn­ars­son: Miðflokk­ung­ar á barmi sturlun­ar aug­lýsa eft­ir jafn­ingj­um sín­um