Vilhjálmur formaður hæfnisnefndar vegna varaseðlabankastjóra
Setja bókamerki
Þriggja manna hæfnisnefnd hefur verið skipuð af fjármála- og efnahagsráðherra til að meta hæfni umsækjenda um embætti varaseðlabankastjóra fjármálastöðugleika hjá Seðlabanka Íslands.
Nefndina skipa Ásta Dís Óladóttir, lektor við Háskóla Íslands, tilnefnd af samstarfsnefnd háskólastigsins, Jacqueline Clare Mallet, lektor við Háskólann í Reykjavík, tilnefnd af bankaráði Seðlabanka Íslands og Vilhjálmur Egilsson, rektor Háskólans á Bifröst, sem skipaður er án tilnefningar og er jafnframt formaður nefndarinnar.
10 einstaklingar sóttu um embætti varaseðlabankastjóra fjármálastöðugleika, en áformað er að hæfnisnefndin skili niðurstöðum sínum til ráðherra eigi síðar en 15. desember.
Umsækjendur um embætti varaseðlabankastjóra fjármálastöðugleika eru:
Arnar Bjarnason, lektor og framkvæmdastjóri
Ásdís Kristjánsdóttir, aðalhagfræðingur og forstöðumaður efnahagssviðs Samtaka atvinnulífsins
Guðrún Johnsen, hagfræðingur
Gunnar Jakobsson, lögfræðingur
Haukur C. Benediktsson, hagfræðingur
Jón Þór Sturluson, aðstoðarforstjóri Fjármálaeftirlitsins
Kristrún Heimisdóttir, lögfræðingur
Óttar Guðjónsson, framkvæmdastjóri Lánasjóðs sveitarfélaga
Tómas Brynjólfsson, skrifstofustjóri í fjármála- og efnahagsráðuneytinu
Yngvi Örn Kristinsson, hagfræðingur Samtaka fjármálafyrirtækja
JBT Marel muni einblína á tekjusamlegð
Gular viðvaranir í dag og á morgun
Fjallvegir á Vestfjörðum og víða um land á óvissustigi
Þungt ástand í margar vikur vegna RS-veiru
Nokkur útköll hjá Landsbjörg
„Átti von á fleiri útköllum“
Fundaði með starfsfólki í fjóra tíma í gær
Leiðindaveður yfir jólahátíðina