Vetrarsólstöður í dag og nú fer daginn að lengja

Vetrarsólstöður eru í dag 22. des­em­ber, en ekki á 21. degi mánaðar eins og oft­ast er. Þær voru klukkan 04:19 í nótt og er sólargangurinn í Reykjavík í dag fjórar klukkustundir og níu mínútur.

Í höfuðborginni kemur sólin upp klukkan 11:22 og verður hæst á lofti klukkan 13:26. Hún sest svo klukkan 15:31 og fljótlega eftir það verður myrkt í borginni.

Norðan­lands er birtu­tími um klukku­stund skemmri en syðra og í Gríms­ey, á heim­skauts­baug, er sól­ar­upp­rás í dag kl. 12:03.

Dagurinn verður 15 sekúndum lengri á morgun, Þorláksmessu, og tveimur og hálfri mínútu lengri á gamlársdag.

Hvað sem tíma­setn­ing­um líður er boðskap­ur­inn samt sá að dag­inn fer nú að lengja og senn kem­ur vor.

• 1 blogg um fréttina

Bloggað um fréttina

• Ómar Ragnarsson: Dagurinn lengist eingöngu síðdegis næsta hálfan mánuð.