Augljóst er að félagsmenn Eflingar sem starfa hjá Reykjavíkurborg eru samstiga í kröfum sínum um betri kjör. Það sást á samstöðufundi félagsins í Iðnó í hádeginu, þaðan var gengið yfir í Ráðhúsið þar sem Sólveig Anna Jónsdóttir, formaður Eflingar, fór yfir mismuninn á kjörum borgarstjórans og almennra starfsmanna.

„Hann er með 2,2 milljónir á mánuði. Hann fær fyrir það að sitja einn fund í klukkutíma næstum því jafnmikið og við fáum fyrir að vinna fulla vinnu í heilan mánuð,“ sagði Sólveig Anna fyrir nánast fullum sal í Ráðhúsinu í dag. Undirtektir Eflingarfólks voru fyrirsjáanlegar. „Púúú,“ var svarið. 

Í myndskeiðinu er rætt við félagsmenn í Eflingu og Sólveigu Önnu og sýnt frá fundinum í Iðnó þar sem Bubbi Morthens flutti nokkur lög.

Tengdar fréttir

Kjaraviðræður

Þarf að koma til móts við ólíkar þarfir lækna

• Þung staða í kjaradeilu kennara
• Reiðubúin að aflýsa verkföllum í fjórum leikskólum
• Boða verkföll í 10 leikskólum til viðbótar
• Viðræður ekkert þokast frá því á þriðjudag

» Fleiri tengdar fréttir

• 1 blogg um fréttina

Bloggað um fréttina

• Jóhannes Ragnarsson: Þær baula eins og nautgripir á hluti sem ekki á …