Arnþrúður dæmd til að greiða miskabætur

Reynir Traustason og Arnþrúður Karlsdóttir.
Reynir Traustason og Arnþrúður Karlsdóttir. mbl.is/Samsett mynd

Arnþrúður Karls­dótt­ir, út­varps­stjóri Útvarps Sögu, var í morg­un dæmd til að greiða Reyni Trausta­syni, fyrr­ver­andi rit­stjóra DV og stjórn­ar­manni Stund­ar­inn­ar, 300 þúsund krón­ur í miska­bæt­ur vegna ærumeiðandi um­mæla sem hún lét um hann falla.

Auk þess var Arnþrúður dæmd til að greiða 1,1 millj­ón í máls­kostnað að því er fram kem­ur á vef Frétta­blaðsins.

Arnþrúður var dæmd fyr­ir tvenn um­mæli:

„Hvað held­urðu að hann hafi mörg manns­líf á á á sam­visk­unni þar sem hann hef­ur lagt heilu fjöl­skyld­urn­ar og fólk í rúst út af at­huga­semda­kerf­um sem hann lét með lyga­f­rétt­um sem að eru fram­leidd­ar?“ 

„Sjáðu bara eins og [...] stjórn­ar­formann Stund­ar­inn­ar, Reyni Trausta­son. Hvað held­urðu að hann hafi mörg manns­líf og fjöl­skyldu­ham­ingju á á sam­visk­unni? Bæði frá því sem rit­stjóri DV og rit­stjóri Stund­ar­inn­ar og þá stjórn­ar­formaður Stund­ar­inn­ar.“ 

Gunn­ar Ingi Jó­hanns­son, lögmaður Reyn­is, sagðist afar ánægður með niður­stöðu dóms­ins og sem væri vel rök­studd­ur.

mbl.is

Bloggað um frétt­ina

Fleira áhugavert

Innlent »

Fleira áhugavert