Allt að 68% verðmunur á áfengi

Allt að 68% verðmunur er á vinsælum tegundum áfengis í Vínbúðunum og verslun Costco.

Verð var kannað á nokkrum þekktum tegundum sem fást í báðum verslunum og reyndist mesti verðmunurinn vera á 12 ára gömlu Chivas Regal viskíi sem kostar ríflega 11 þúsund krónur hjá ÁTVR en 6.660 krónur í Costco.

Kassi af Stella Artois-bjór er 61,7% dýrari í Vínbúðunum en í Costco. Í dag geta aðeins þeir sem eru með vínveitinga- eða víninnflutningsleyfi keypt áfengi í Costco en nái frumvarp dómsmálaráðherra um netverslun með áfengi fram að ganga gæti það breyst, að því er fram kemur í umfjöllun um þetta efni í ViðskiptaMogganum í dag.