Þórólfur Guðnason sóttvarnalæknir sagði á blaðamannafundi sem haldinn var síðdegis vegna kórónuveirunnar COVID-19 að íslenska heilbrigðiskerfið myndi ráða við verstu mögulegu sviðsmynd vegna veirunnar. Samkvæmt henni myndu 300 tilfelli koma upp hér á landi og upp undir tíu dauðsföll.

Versta mögulega sviðsmynd hér á landi tekur mið af því hvernig málin hafa þróast í Hubei-héraði í Kína. Tölur þaðan eru síðan yfirfærðar á Ísland og ekki tekið tillit til aðgerða viðbragðsaðila.

Það er vissara að sótthreinsa hendurnar. Kristinn Magnússon

„Ef tölur þaðan væru yfirfærðar á Ísland, án þess að við myndum gera eitthvað, gætum við búist við 300 tilfellum. 20 af þeim yrðu gjörgæslutilfelli og dauðsföll upp undir tíu,“ sagði Þórólfur.

„Ég held að heilbrigðiskerfið á Íslandi geti ráðið við þetta,“ sagði Þórólfur.

Sóttvarnalæknir benti enn fremur á að einkennalaust fólk, sem væri smitað en ekki veikt, gæti ekki smitað aðra. 

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• 2 blogg um fréttina

Bloggað um fréttina

• Jóhann Elíasson: ÞETTA REDDAST "SYNDRÓMIÐ" EN SVO MÁ EKKI GLEYMA STÓRU AÐGERÐINNI …
• Ómar Geirsson: Mikil er ábyrgð þeirra sem gera lítið úr dauðans alvöru.