„Hver passar mig í dag?“ stóð á skilti sem börn og foreldrar tóku með sér í ráðhúsið í dag en þangað mætti hópur fólks sem hefur orðið fyrir áhrifum af kjaradeilu Eflingar og borgarinnar. Markmiðið var að þrýsta á um lausn deilunnar.

Í myndskeiðinu er rætt við þær Halldísi Evu Ágústsdóttur og Önu Acedo sem eiga báðar börn sem hafa verið heima undanfarnar tvær vikur vegna verkfallsins. „Þetta er bara búið að vera púsluspil og erfitt,“ segir Halldís en hún á tvö börn á leikskóla. „Þetta hefur mikil áhrif á þau. Þau skilja þetta ekki.“

Þær eru sammála um að það sé borgin sem þurfi að teygja sig meira í samningaviðræðunum og að kröfur Eflingarfólks séu réttmætar. 

Tengdar fréttir

Kjaraviðræður

Þarf að koma til móts við ólíkar þarfir lækna

• Þung staða í kjaradeilu kennara
• Reiðubúin að aflýsa verkföllum í fjórum leikskólum
• Boða verkföll í 10 leikskólum til viðbótar
• Viðræður ekkert þokast frá því á þriðjudag

» Fleiri tengdar fréttir

• 1 blogg um fréttina

Bloggað um fréttina

• Þorsteinn Siglaugsson: Óviðunandi ástand!