Tilmæli landlæknis, sóttvarnalæknis og almannavarna til heilbrigðisstarfsmanna og annarra sem starfa við viðbúnað vegna kórónuveirunnar um að fresta utanlandsferðum sýna glögglega hve mikilvægir umræddir starfsmenn eru íslensku samfélagi. 

Þetta segir í yfirlýsingu frá ellefu aðildarfélögum BHM, hverra félagsmenn starfa margir innan heilbrigðiskerfisins og á öðrum mikilvægum stofnunum ríkisins. 

„Það skýtur því skökku við að nú er næstum liðið heilt ár frá því að kjarasamningar félaganna við ríkið losnuðu og enn hafa viðræður um nýja samninga engum árangri skilað. Ganga verður til samninga við félögin án tafar og aflétta þannig því viðbótarálagi á starfsfólk sem óhjákvæmilega fylgir því að vera án kjarasamninga í tæpt ár.“

Þá furða félögin sig á því hve lítinn samningsvilja ríkisvaldið hafi sýnt í viðræðum til þessa og krefjast þess að fá raunverulegt samtal við viðsemjendur, að hlustað verði á sjónarmið félaganna og komið til móts við kröfur þeirra.

Undir yfirlýsinguna skrifa Dýralæknafélag Íslands, Félag geislafræðinga, Félag íslenskra hljómlistarmanna, Félag íslenskra náttúrufræðinga, Félag lífeindafræðinga, Félagsráðgjafafélag Íslands, Iðjuþjálfafélag Íslands, Kjaraféleg viðskiptafræðinga og hagfræðinga, Ljósmæðrafélag Íslands, Sálfræðingafélag Íslands og Þroskaþjálfafélag Íslands.

Tengdar fréttir

Kjaraviðræður

Þarf að koma til móts við ólíkar þarfir lækna

• Þung staða í kjaradeilu kennara
• Reiðubúin að aflýsa verkföllum í fjórum leikskólum
• Boða verkföll í 10 leikskólum til viðbótar
• Viðræður ekkert þokast frá því á þriðjudag

» Fleiri tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• 2 blogg um fréttina

Bloggað um fréttina

• Páll Vilhjálmsson: BHM-félög nota neyð í kjarabaráttu
• Örn Gunnlaugsson: Heimska veldur misskilningi.