Allir starfsmenn skóla- og frístundasviðs Reykjavíkurborgar fengu skeyti á föstudaginn þess efnis að þeir fái páskaegg nr. 4 frá Nóa Síríus sem þakklætisvott fyrir frábært starf við krefjandi aðstæður undanfarnar vikur og væntanlega áfram fram að páskum.

Á sviðinu starfa tæplega 5.600 starfsmenn í grunnskólum, leikskólum, frístundaheimilum og félagsmiðstöðvum. Yfirskrift skeytisins var: Hjartans þakkir.

„Ágæti samstarfsmaður,

Eftir helgi færðu páskaegg sem táknrænan þakklætisvott fyrir störf þín í þeim krefjandi aðstæðum sem ríkt hafa að undanförnu í skóla- og frístundastarfi í Reykjavík. Nú hefur reynt á þolgæði, útsjónarsemi, frumkvæði, skapandi hugsun og hlýju. Það styttist í langþráð páskaleyfi. Ég veit að aðstæður eru ólíkar og veikindi setja mark sitt á margar fjölskyldur, en við komumst í gegnum þetta saman. Hafðu hugheilar þakkir fyrir þitt framlag í vinnu fyrir börnin í borginni!“

Páskaeggjakaupin voru boðin út og bárust tvö tilboð. Góa bauð 6 milljónir og Nói Síríus rúmar 5,8 milljónir. Kostnaðaráætlun var 4,5 milljónir. Ákveðið var að semja við lægstbjóðanda. sisi@mbl.is

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

Stöndum saman

Þetta gerir Þórólfur þegar útlitið er svart: „Búin að vera þung vika“

• Nettó veitir 44 milljónir króna til góðgerðarmála
• Partíréttirnir sem Siggi Gunnars mælir með fyrir kvöldið!
• „Kirkjan er opin og kemur til þín“
• 400 krakka hópdans í morgunsólinni

» Fleiri tengdar fréttir