Eitt tilfelli um hótun hefur komið upp gagnvart þríeyki almannavarna og landlæknis sem berst opinberlega gegn útbreiðslu kórónuveiru hérlendis.

Um er að ræða staka hótun sem barst teyminu en hún beindist ekki persónulega að Þórólfi Guðnasyni sóttvarnalækni, að sögn hans sjálfs. „Mér hafa ekki borist neinar hótanir sjálfum.“

Greint var frá því í kvöldfréttum Stöðvar tvö að um hótanir væri að ræða en Þórólfur segir að hann viti einungis til þess að ein hótun hafi borist. 

„Þetta var bara eitthvert mál sem var tekið upp. Við höfum ekkert verið að velta okkur meira upp úr þessu,“ segir Þórólfur í samtali við mbl.is.

Þríeykið sem um ræðir samanstendur af Þórólfi, Ölmu Möller landlækni og Víði Reynissyni, yfirlögregluþjóni hjá ríkislögreglustjóra.

Stöð 2 greindi frá því að lögreglan á höfuðborgarsvæðinu hefði aukið viðbúnað vegna þessa. 

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• 1 blogg um fréttina

Bloggað um fréttina

• Jóhannes Ragnarsson: Það hefir ævilega haft íllt í för með sér að …