Ef fresta ætti sektum fyrir notkun nagladekkja eftir 15. apríl vegna útbreiðslu kórónuveiru hérlendis þyrfti að setja sérreglugerð um frestun vegna utanaðkomandi aðstæðna, að sögn Árna Friðleifssonar, aðalvarðstjóra umferðardeildar lögreglunnar á höfuðborgarsvæðinu.

Morgunblaðið leitaði til hans til að kanna hvort fresta ætti sektum vegna nagladekkja svo örtröð yrði ekki á dekkjaverkstæðum með tilheyrandi smithættu en notkun nagladekkja er óheimil frá og með 15. apríl.

„Við erum svo sum ekkert byrjaðir að spá í það,“ sagði Árni. Veðurfarslegar aðstæður geta frestað því að sektað sé vegna nagladekkja en að sögn Árna er það metið hverju sinni hvenær tímabært sé að fólk skipti um dekk.

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir