Innlent | mbl | 14.4.2020 | 13:01

Skimun á Vestfjörðum hefst á morgun

Skimun meðal íbúa á norðanverðum Vestfjörðum fyrir Covid-19 hefst á morgunþ Skimað verður í Bolungarvík og á Ísafirði. mbl.is/Hallur Már

Skimun meðal íbúa á norðanverðum Vestfjörðum fyrir COVID-19 hefst á morgun. Búið er að opna fyrir bókanir á vef Íslenskrar erfðagreiningar en skimunin er samvinnuverkefni Íslenskrar erfðagreiningar og Heilbrigðisstofnunar Vestfjarða.

Frétt af mbl.is

Hertar aðgerðir á Vestfjörðum framlengdar

Skimað verður á fimm stöðum í Bolungarvík og á Ísafirði. Skimunin er fyrir einstaklinga sem ekki finna fyrir einkennum og er ókeypis. Einstaklingar í sóttkví eða einangrun skulu halda sig heima. Þeim sem finna til einhverra einkenna er bent á að hafa samband við 450-4500 til að fá tíma í sýnatöku hjá heilbrigðisstofnuninni.

Skimað verður miðvikudaginn 15. apríl, fimmtudaginn 16. apríl og föstudaginn 17. apríl.

Hægt er að velja á milli fimm skimunarstaða:

Björgunarsveitarhúsið við Hafnargötu í Bolungarvík (á bíl)
Skoðunarstöð Frumherja við Skeiði á Ísafirði (á bíl)
Crossfit-stöðin við Sindragötu á Ísafirði (á bíl)
Kampaskemman (Aldrei fór ég suður-skemman) við Ásgeirsgötu (á bíl)
Úti við kjallara sjúkrahússins á Ísafirði (gangandi)

Æskilegt er að drepa á bílnum meðan beðið er og mun heilbrigðisstarfsfólk taka sýni úr bæði hálskoki og nefkoki. Niðurstaða greiningarinnar verður birt á vefnum heilsuvera.is og hringt er í alla sem reynast bera smit.

Skimað verður á sunnanverðum Vestfjörðum á næstu dögum eða vikum.

Hér er hægt að bóka tíma í skimun á norðanverðum Vestfjörðum.