Joe Biden, forsetaefni bandaríska Demókrataflokksins, óskaði kristnum rétttrúnaðarmönnum gleðilegra páska á Twitter í gær. „Þessi faraldur skilur okkur að, en við verðum að halda í trúna,“ skrifaði hann. „Eins og Kierkegaard sagði, sér trúin best í myrkri.“

Helgi Hrafn Gunnarsson, þingmaður Pírata, svaraði Biden með þeim orðum að í raun og veru væri ekki nokkur minnsta þörf á trú. „Reyndar er engin minnsta þörf á trú, herra. Allt sem þú þarft eru vísindin. Og ást myndi ekki skemma fyrir heldur. En aðallega vísindi,“ skrifaði hann.

Helgi Hrafn er sem kunnugt er ekki kristinn maður, ólíkt Biden sem er rómversk-kaþólskrar trúar og kvað sækja messur reglulega, þó að slíkt liggi niðri á þessari stundu. 

Einhver viðbrögð fékk Helgi Hrafn á tístið, sumir láta sér það vel lynda en aðrir ekki, og einn svarar því þá á leið að það sé „heimsmet í yfirlæti.“ 

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• 2 blogg um fréttina

Bloggað um fréttina

• Páll Vilhjálmsson: Helgi Hrafn mótmælir sjálfum sér
• Sigurður Jónsson: Joe Biden á ekki möguleika eftir skammir Helga Hrafns