Meðal þeirra úrræða sem ríkisstjórnin ætlar að ýta úr vör í öðrum aðgerðapakkanum, sem kynntur var í Safnahúsinu í dag, eru lán með 100% ríkisábyrgð fyrir minni fyrirtæki. Er þessu ætlað að tryggja greiðsluflæði í hagkerfinu og „rjúfa vítahring“ sem gæti orðið.

Bjarni Benediktsson fjármálaráðherra kynnti þessi lán á fundinum og sagði meðal annars að þau myndu líklega gagnast 8-10 þúsund fyrirtækjum. Þyrftu þau að uppfylla skilyrði um 40% tekjufall og ákveðið hlutfall launakostnaðar af heildarkostnaði fyrirtækisins. Sagði hann að hámark slíkra lána væri 6 milljónir og að ríkið myndi ábyrgjast þau að fullu.

Sagði Bjarni að tilgangur lánanna væri meðal annars að koma til móts við fyrirtæki sem gætu orðið fyrir áhrifum af því að fá ekki greidda reikninga frá öðrum fyrirtækjum þar sem útbreiðsla kórónuveirunnar hefur valdið búsifjum. Sagði hann að lán sem þessi gætu skipt miklu fyrir lítil fyrirtæki með t.d. 2-5 starfsmenn.

Sagði Bjarni mikilvægt að fletja kúrfuna, ekki bara í tengslum við veiruna sjálfa, heldur líka í efnahagslegu samhengi þar sem passa þyrfti upp á að lægðin verði ekki of djúp og atvinnuleysi of mikið. Mjög erfitt væri að komast upp úr slíku.

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• 2 blogg um fréttina

Bloggað um fréttina

• Gunnar Heiðarsson: Guð blessi þjóðina
• Snorri Óskarsson: Veit mér minn deildan verð!