Kári Stef­áns­son, for­stjóri Íslenskr­ar erfðagrein­ing­ar, seg­ir fyr­ir­tækið ekki ætla að koma að skimun á Kefla­vík­ur­flug­velli ef hún verður unn­in und­ir stjórn heil­brigðisráðuneyt­is­ins.

Hann sagði í Kast­ljósi að sam­skipti ÍE við ráðuneytið séu á þann veg að fyr­ir­tækið treysti sér ekki til þess. Kári vísaði til þess að Svandís Svavars­dótt­ir heil­brigðisráðherra hafi þakkað öll­um nema þeim á síðasta blaðamanna­fundi al­manna­varna.

Frétt af mbl.is

Óhefðbund­in ræða Svandís­ar

Kári sagði Svandísi „í hroka sín­um“ ekki hafa treyst sér til að leita til Íslenskr­ar erfðagrein­ing­ar. „Kannski vegna þess að við erum einka­fyr­ir­tæki og einka­fyr­ir­tæki eru vond. Kannski er það vegna þess að ein­hvern tím­ann gagn­rýndi ég hana harðlega fyr­ir það hvernig hún talaði um SÁÁ,“ sagði hann.

Alma Möller land­lækn­ir, Svandís Svavars­dótt­ir heil­brigðisráðherra og Áslaug Arna Sig­ur­björns­dótt­ir dóms­málaráðherra á blaðamanna­fund­in­um fyrr í vik­unni. mbl.is/​Eggert Jó­hann­es­son

„Hroka­full eins og 10 ára stelpa“

Kári sagði Svandísi vera feyki­lega góðan heil­brigðisráðherra og þann besta sem Ísland hef­ur haft í lang­an tíma. „En af og til verður hún ofboðslega hroka­full eins og lít­il 10 ára stelpa sem ætl­ar ekki að láta neinn segja sér nokk­urn skapaðan hlut.“

Frétt af mbl.is

Um­sögn sótt­varna­lækn­is ræður úr­slit­um

Hann sagði ÍE ekki treysta því fólki sem Svandís hef­ur beðið um að ann­ast skiman­ir á Kefla­vík­ur­flug­velli. Bætti hann við að það væri ekki hlut­verk fyr­ir­tæk­is­ins að skima á flug­vell­in­um en það hefði getað veitt aðstoð í tengsl­um við það. 

Þórólf­ur Guðna­son. mbl.is/​Eggert Jó­hann­es­son

Lok­ar fyr­ir sím­töl frá Þórólfi

Kári hélt áfram og sagðist eiga erfitt með að segja nei ef Þórólf­ur Guðna­son sótt­varna­lækn­ir biður hann um aðstoð vegna skim­ana vegna þess hve sjarmer­andi og skemmti­leg­ur hann er. „Ég er bú­inn að blokka sím­ann hans á sím­an­um mín­um,“ sagði hann í fram­hald­inu og sagði ástæðuna þá að þannig gæti Þórólf­ur ekki hringt í hann og beðið hann um þetta.

„Þú ert al­veg ruglaður,“ sagði Ein­ar Þor­steins­son þátta­stjórn­andi í fram­hald­inu, furðu lost­inn. Þá svaraði Kári: „Ég þekki fólk sem myndi taka und­ir það, vera sam­mála þér en þú dæm­ir menn bara af verk­um þeirra, ekki satt?“

Tengd­ar frétt­ir

Kór­ónu­veir­an Covid-19

Lík­lega rangt að loka öllu

• „Eins og að vakna upp í allt öðru lífi“
• Rétt­inda­mál covid-sjúk­linga í lamasessi
• Hug­hreyst­andi bros á lækna­vakt
• Í fimm ára fang­elsi fyr­ir að hvetja til hryðju­verka

» Fleiri tengd­ar frétt­ir

• 4 blogg um frétt­ina

Bloggað um frétt­ina

• Jó­hann­es Ragn­ars­son: Hann greiddi Sw­and­ee­sý og henn­ar slekti snjall­an löðrung beint á …
• Axel Jó­hann Ax­els­son: Rass­skell­ur sem und­an svíður
• Ómar Ragn­ars­son: Hvernig ætlaði Emira­tes að gera þetta? Nú þarf að ganga …
• Hall­mund­ur Krist­ins­son: Ein­ar og Kári