Þórhildur segir af sér formennsku
Setja bókamerki
Þórhildur Sunna Ævarsdóttir, þingmaður Pírata, sagði af sér formennsku í stjórnskipunar- og eftirlitsnefnd Alþingis á þingfundi í dag.
„Tilraunir okkar í minnihluta stjórnskipunar- og eftirlitsnefndar til að sinna eftirlitshlutverki nefndarinnar hafa einungis orðið meirihlutanum tilefni til valdníðslu og linnulausra árása. Skýrasta dæmið um þetta er hvernig meirihlutinn stendur í vegi fyrir frumkvæðisathugun á hæfi sjávarútvegsráðherra, en forsætisráðherra kallar það góða niðustöðu,“ sagði Þórhildur á Alþingi í dag.
„Með þessu er meirihlutinn að setja hættulegt fordæmi og veikja eftirlitshlutverk Alþingis með framkvæmdavaldinu.“
„Til að réttlæta þessa aðför sína kýs meirihluti nefndarinnar að draga persónu mína sífellt niður í svaðið og nota mig sem blóraböggul. Þessi aðferðafræði, að skjóta sendiboðann, er þaulreynd þöggunar- og kúgunartaktík.“
„Ég mótmæli þessari aðför, mér misbýður þetta leikrit og ég ætla ekki að taka þátt í því lengur. Formennsku minni í þessari nefnd er hér með lokið.“
„Við vöknuðum við hljóð frá sprengingum“
Unnið að hraunkælingu allan sólarhringinn
Rannsókn á menningarnæturmáli lokið
Dæla, kæla og verja mikilvæg mannvirki
Vinna hefst í dag við að reisa undirstöður
Sendi nektarmyndir af dreng sem hann passaði
Heimildarmenn tala um hápólitískt drama