Tvö smit greindust á Keflavíkurflugvelli
Setja bókamerki
Tvö ný kórónuveirusmit komu upp hér á landi síðasta sólarhring samkvæmt nýbirtum tölum á covid.is. Bæði smitin greindust við skimun á Keflavíkurflugvelli sem hófst í gær. Staðfest smit eru 1.812 en 1.796 hafa náð bata.
926 sýni voru tekin á Keflavíkurflugvelli í gær. Allir farþegar sem lentu í Leifsstöð kusu að fara í sýnatöku frekar en tveggja vikna sóttkví. 14 sýni voru tekin á veiru- og sýklafræðideild Landspítalans og 13 hjá Íslenskri erfðagreiningu. 953 sýni voru alls tekin í gær og er heildarfjöldi sýna orðinn 64.152.
Sex eru í einangrun með virkt smit. Tveir þeirra eru Rúmenar sem lögreglan handtók um helgina í tengslum við brot á sóttvarnalögum og grun um þjófnað í verslunum á Selfossi og höfuðborgarsvæðinu.
603 eru í sóttkví en 21.895 hafa lokið sóttkví.
Fréttin hefur verið uppfærð.
Foreldrum sagt að heimanám væri verkfallsbrot
Biden ávarpar Bandaríkjamenn eftir sigur Trumps
Appelsínugular og gular viðvaranir í dag
Selenskí: N-Kórea heyir stríð í Evrópu
Jón Ingi heimsmethafi í mynsturstökki
„Fólk ætti að fara að öllu með gát“
Tekur ekki undir orð Ragnars Þórs og Ásthildar Lóu
Kröfugerðin skýr en upphæðin ekki