Ragnar Þór Ingólfsson, formaður VR, segir forsendur lífskjarasamningsins fallnar á vanefndum ríkisstjórnarinnar. Í færslu á Facebook-síðu sinni segir hann að ríkisstjórnin megi búa sig undir harðan verkalýðsvetur. 

„Vetur þar sem verkalýðshreyfingin mun uppfæra kröfugerðina í samræmi við allt aðrar forsendur en voru fyrir gerð lífskjarasamningsins. Harðan vetur í boði Sjálfstæðisflokksins og ríkisstjórnar hans,“ skrifar Ragnar. 

Bjarni Benediktsson sagði í síðasta mánuði að forsendur lífskjarasamningsins stæðu tæpt sökum áhrifa kórónuveirunnar. Ráðherra var spurður út í orð sín í viðtali á RÚV í gær en sagðist hann hafa meiri áhuga á því að finna út úr því hvernig unnt sé að bjarga störfum og efla efnahagslífið. 

Frétt af mbl.is

„Hvar hefurðu verið?“

Ragnar segir að af orðum Bjarna megi lesa að „ríkisstjórnin telji enga þörf á að efna sinn hluta lífskjarasamningsins vegna þess að staðan sé svo gjörbreytt og forsendur allt aðrar en lagt var upp með í aðdraganda samningsins.“ 

Ragnar gagnrýnir ríkisstjórnina fyrir hlutdeildarlán og segir fjármálaráðherra svo einbeittan í að þynna út úrræðið og „eyðileggja þessa þörfu og góðu vinnu, sem hefði komið fjölskyldum og byggingafyrirtækjum svo vel, að hlutdeildarlánin eiga að bera vexti ef fólk hækkar í launum.“ Segir hann hlutdeildarlánin skipa sér í sess með óhagstæðustu lánaformum Íslandssögunnar, fjármögnuð með niðurskurði á raunverulegum húsnæðisstuðningi.

Tengdar fréttir

Kjaraviðræður

Þung staða í kjaradeilum kennara

• Reiðubúin að aflýsa verkföllum í fjórum leikskólum
• Boða verkföll í 10 leikskólum til viðbótar
• Viðræður ekkert þokast frá því á þriðjudag
• 58% styðja verkfallsaðgerðir kennara

» Fleiri tengdar fréttir

• 1 blogg um fréttina

Bloggað um fréttina

• Páll Vilhjálmsson: Ragnar Þór hótar almenningi