„Næsti formlegi samningafundur hjá ríkissáttasemjara er á næsta mánudag og er morgunljóst að á þeim fundi mun endanlega koma í ljós hvort deiluaðilar eru að fara að ná saman eða hvort það stefni í nokkuð hörð átök á vinnustaðnum.“

Þetta segir á vefsíðu Verkalýðsfélags Akraness um stöðu kjaradeilu félagsins og Norðuráls á Grundartanga. Sáttafundur sem haldinn var í vikunni skilaði litlum árangri.

Félagið heldur því fram að Norðurál og Samtök atvinnulífsins leggi ofuráherslu á að samið verði með sama hætti og í síðasta samningi þar sem launabreytingar tóku mið af 95% af því sem launavísitala Hagstofunnar hækkaði um árlega. Þessu hafnar verkalýðsfélagið enda hafi vísitalan hækkað minna en launataxtar á vinnumarkaðinum.

Tengdar fréttir

Kjaraviðræður

Sólveig Anna furðar sig á aðferðum kennara

• Viðræður í Karphúsinu ganga misvel
• Svona verður verkfall lækna á Akureyri
• Fatlaður drengur fær ekki þjónustu í verkfalli
• Boða verkföll í fjórum skólum til viðbótar

» Fleiri tengdar fréttir