Tveir létust í árekstri bifhjóls og húsbíls á Vesturlandsvegi á Kjalarnesi, norðan Grundarhverfis, í dag, en tilkynning um slysið barst klukkan 15:13. Þetta kemur fram í tilkynningu frá lögreglunni á höfuðborgarsvæðinu.

Frétt af mbl.is

Umferðarslys á Kjalarnesi

Þeir sem létust þegar ökutækin skullu saman voru ökumaður og farþegi á bifhjólinu. Annað bifhjól kom aðvífandi þegar áreksturinn varð og missti ökumaður þess stjórn á hjólinu og féll af því. Hann var fluttur á Landspítalann til aðhlynningar og er líðan hans eftir atvikum.

Lögreglan á höfuðborgarsvæðinu og rannsóknarnefnd samgönguslysa rannsaka tildrög slyssins. Aðstæður vegkaflans eru sérstaklega til skoðunar en nýtt slitlag var á veginum þar sem slysið varð og sagði Ásgeir Þór Ásgeirsson, yf­ir­lög­regluþjónn hjá lög­regl­unni á höfuðborg­ar­svæðinu, í samtali við mbl.is fyrr í kvöld að malbikið hefði verið „nánast eins og skautasvell“.

Frétt af mbl.is

Malbikið „nánast eins og skautasvell“

Ekki er grunur um ógætilegan akstur eða hraðakstur í aðdraganda slyssins.

Tengdar fréttir

Banaslys á Kjalarnesi

Málið aftur til héraðssaksóknara

• Á þriðja hundrað mótmæltu ábyrgðarleysi
• Kærir niðurfellingu máls til ríkissaksóknara
• Fellir niður mál vegna banaslyss á Kjalarnesi
• Bar að stöðva umferð vegna ófullnægjandi malbiks

» Fleiri tengdar fréttir

• 1 blogg um fréttina

Bloggað um fréttina

• Ómar Ragnarsson: Aldrei aðvörunarmerkingar þessa dagana, svo munað sé eftir.