Bifhjólasamtök lýðveldisins, Sniglar, hafa boðað til mótmæla við húsnæði Vegagerðarinnar í Borgartúni í kjölfar umferðarslyss á Kjalarnesvegi í gær þar sem tveir létust.

Mótmælin, sem hefjast klukkan 13 á morgun, verða þögul en sterk, að því er segir í viðburðalýsingu. Þar verður þess krafist að Vegagerðin geri úrbætur á þeim vegköflum sem skapað hafa mikla hættu víðsvegar um landið.

Frétt af mbl.is

Tveir létust í árekstri á Kjalarnesi

Umferðarslys varð á Kjalarnesvegi á fjórða tímanum í gær þar sem bifhjól lenti framan á húsbíl. Ökumaður og farþegi voru á bifhjólinu, auk þess sem annað bifhjól sem kom aðvífandi lenti utan vegar. Ökumaður og farþegi bifhjólsins sem lenti framan á húsbílnum létust.

Frétt af mbl.is

Malbikið „nánast eins og skautasvell“

Aðstæður á veginum voru erfiðar og hefur Ásgeir Þór Ásgeirsson, yfirlögregluþjónn hjá lögreglunni á höfuðborgarsvæðinu, lýst því svo í samtali við mbl.is að malbikið hafi verið „nánast eins og skautasvell“, en nýtt slitlag var á veginum.

Lögreglan og rannsóknarnefnd samgönguslysa rannsaka tildrög slyssins, en ekki er grunur um ógætilegan akstur eða hraðakstur í aðdraganda þess.

Fréttin hefur verið uppfærð með réttri tímasetningu.

Tengdar fréttir

Banaslys á Kjalarnesi

Málið aftur til héraðssaksóknara

• Á þriðja hundrað mótmæltu ábyrgðarleysi
• Kærir niðurfellingu máls til ríkissaksóknara
• Fellir niður mál vegna banaslyss á Kjalarnesi
• Bar að stöðva umferð vegna ófullnægjandi malbiks

» Fleiri tengdar fréttir

• 3 blogg um fréttina

Bloggað um fréttina

• Ómar Ragnarsson: Vegaxlir það eina, sem skánar, en þó alltof hægt.
• Þorsteinn Siglaugsson: Hvar er afsökunarbeiðnin? Hvar er afsögnin?
• Ómar Geirsson: Malbik eins og skautasvell.