Spyr hvort Strætó hafi misst vitið

Vigdís Hauksdóttir, borgarfulltrúi Miðflokksins, spyr í færslu sinni á Facebook hvort Strætó hafi misst vitið vegna auglýsingar Ljósmæðrafélags Íslands á strætisvagni, en Alþjóðaheilbrigðismálastofnunin hefur tileinkað árið ljósmæðrum og hjúkrunarfræðingum. 

Vigdís er ekki sátt við auglýsinguna. „Nekt er mjög viðkvæm hjá mörgum hópum í samfélaginu og þetta blasir við börnum sem nota Strætó sem eiga að vera framtíðarkúnnar borgarlínu,“ skrifar Vigdís í færslu sinni. 

Sem áður segir er auglýsingin í tilefni af ári ljósmæðra og hjúkrunarfræðinga og á vagninum má sjá hönd ljósmóður taka á móti barni. Er teikningunum ætlað að heiðra ljósmæður og þakka þeim sín störf.

• 1 blogg um fréttina

Bloggað um fréttina

• Baldvin Björgvinsson: Strætó er algjörlega í ruglinu