Samningur milli flugfreyja hjá Flugfreyjufélagi Íslands og Icelandair var undirritaður núna á öðrum tímanum í nótt í húsnæði ríkissáttasemjara. Samningurinn gildir út september 2025, en hann byggir á sömu forsendum og fyrri samningur sem felldur var í atkvæðagreiðslu félagsmanna.

Greidd verða atkvæði um samninginn á næstunni og er búist við niðurstöðu 27. júlí.

Icelanda­ir sleit viðræðum við FFÍ og sagði upp öll­um flug­freyj­um fé­lags­ins á föstudaginn og boðaði að flug­menn myndu ganga í störf þeirra uns samið yrði við annað stétt­ar­fé­lag. Í dag rofaði þó til og byrjuðu viðræður milli samningaaðila á ný.

Frétt af mbl.is

Flugfreyjur og Icelandair reyna enn að semja

Í tilkynningu Icelandair kemur fram að samningurinn feli í sér „aukna hagræðingu frá þeim [fyrri] samning, án þess að skerða kjör flugfreyja og flugþjóna.“

Þá er haft eftir Boga Nils Bogasyni, forstjóra Icelandair, að með þessum samningi „næst sú hagræðing sem við teljum nauðsynlega. Undanfarnir dagar hafa reynt verulega á og ég er afskaplega sáttur að við séum að ná lendingu. Þetta er gríðarlega mikilvægt skref í því stóra verkefni sem við stöndum frammi fyrir.”

Frá einum af samningafundi flugfreyja og Icelandair hjá ríkissáttasemjara. mbl.is/Eggert Jóhannesson

Tengdar fréttir

Kjaraviðræður

„Það er bara góð vinna í gangi“

• Á algjöru frumstigi eftir þrjár vikur af verkfalli
• Ekki sátt með tilkynningu á vef KÍ
• „Enginn farinn að öskra og arga“
• Gera ekki ráð fyrir að samhljómurinn verði rofinn

» Fleiri tengdar fréttir

Sviptivindar í flugrekstri

Verktökum í nýrri byggingu Icelandair boðið í kaffi

• Bláfugl sagt hafa skilað flugrekstarleyfi
• Ernir hyggst skila inn flugrekstrarleyfi
• Fjórtán segja upp hjá Play
• Tilboð sem flugmenn Play þurfa að svara í dag

» Fleiri tengdar fréttir

• 2 blogg um fréttina

Bloggað um fréttina

• Hörður Þórðarson: Til hamingju
• Jónas Gunnlaugsson: Ungur nemandi frá Svartaskóla í Frakklandi fær Forsætisráðuneytið, Utanríkisráðuneytið fær …