Lokun Gróttu framlengd

Umhverfisstofnun hefur gert úttekt á fuglavarpi á svæðinu og hefur ákveðið að framlengja lokun friðlandsins Gróttu í Seltjarnarnesbæ fyrir umferð gesta frá 20. júlí til 31. júlí 2020.

Þetta kemur fram í tilkynningu frá Umhverfisstofnun.

Umrætt svæði er skilgreint sem friðland skv. auglýsingu nr. 13/1984. Samkvæmt auglýsingunni er umferð óviðkomandi fólks bönnuð á tímabilinu 1. maí til 15. júlí.

Umhverfisstofnun telur mikilvægt að framlengja lokunina, þar sem hætta er á verulegri röskun á fuglalífi ef svæðið verður opnað á þeim tíma sem tilgreindur er í auglýsingunni, enda um viðkvæmt tímabil fuglalífs að ræða. Svæðið nálægt Gróttu, sem og Grótta sjálf, er vinsælt útivistarsvæði og því mikilvægt að bregðast við sem fyrst, að mati Umhverfisstofnunar.

• 1 blogg um fréttina

Bloggað um fréttina

• Grímur Kjartansson: Vita kettirnir af banninu?