„Mikill heiður“ að leiða bandaríska teymið á Íslandi
Setja bókamerki
„Áhersla okkar í bandaríska sendiráðinu á Íslandi er áfram sú sama og hún hefur ávallt verið – það er að styrkja tvíhliða samband Bandaríkjanna og Íslands sem er til hagsbóta fyrir okkar frábæru þjóðir,“ segir Jeffrey Ross Gunter, sendiherra Bandaríkjanna á Íslandi, í svari til mbl.is.
„Það er mér mikill heiður að leiða okkar teymi á þessum farsæla tímabili gagnkvæmrar velþóknunar og virðingar milli Bandaríkjanna og Íslands,“ bætir hann við í svari við fyrirspurn mbl.is sem laut að umfjöllun CBS News um sendiherrann.
Í þeirri umfjöllun kom meðal annars fram að Gunter hefði verið „vænisjúkur“ um öryggi sitt síðan hann var skipaður sendiherra hér á landi á síðasta ári og að hann hafi meðal annars óskað eftir því að utanríkisráðuneyti Bandríkjanna að sér yrði útvegað sérstakt leyfi til að bera skotvopn hér á landi.
Bandarísk stjórnvöld tjá sig ekki um einstaka mál
Í fyrirspurn mbl.is til sendiherrans og bandaríska sendiráðsins var meðal annars spurt hvort umfjöllun CBS News væri efnislega rétt, hvort að sendiherrann upplifi að hann sé öruggur hér á landi og hvort að honum hefði borist hótanir vegna stöðu sinnar sem sendiherra á Íslandi.
Sendiráð Bandaríkjanna sagði í aðskildu svari við fyrirspurn mbl.is að það væri almenn stefna bandarískra stjórnvalda að tjá sig ekki um sérstök öryggismál sem snúa að sendiráðum eða starfsfólki.
Bindur vonir við að koma fjárlögunum í gegn
Fordæma árásir á ísraelska áhangendur
Óformlegt eftirlit vegna hryðjuverka
Óvíst um lögfestingu kílómetragjaldsins
Einn á slysadeild eftir hópslagsmál
Ný könnun: Sjálfstæðisflokkur dalar enn
Þungt hugsi yfir ofbeldinu
Fimm á sjúkrahús og 62 handteknir í Amsterdam