Þórólfur Guðnason sóttvarnalæknir segir að fjölgun kórónuveirusmita undanfarna daga sé ákveðin vonbrigði en bendir á að þetta hafi ekki verið óviðbúið. Ellefu kór­ónu­veiru­smit voru staðfest inn­an­lands í gær en alls eru 50 í einangrun með virkt smit hér á landi.

Þetta kom fram í máli Þórólfs á upplýsingafundi almannavarna, en hertar aðgerðir vegna kórónuveiru tóku gildi á hádegi í dag. Þórólfur hvetur alla til að viðhafa einstaklingsbundnar sýkingarvarnir og þá sem eru með einkenni að halda sig heima og fá sýnatöku.

Frétt af mbl.is

Grímuskylda og aðrar reglur taka gildi

Þórólfur sagði að hægt hefði verið að koma í veg fyrir frekara smit innanlands vegna einnar hópsýkingar sem er í gangi hér á landi ef einstaklingur hefði verið í sýnatöku tvö eftir komu til landsins. 

Hin hópsýkingin, sem er stærri og víðtækari, er órekjanleg og segir Þórólfur það áhyggjuefni. Því ekki hægt að fullyrða að sýnataka tvö hefði komið í veg fyrir þá hópsýkingu.

Þórólfur sagði tengsl ekki ljós og því gæti útbreiðsla veirunnar verið meiri en nú er vitað.

Sóttvarnalæknir hamraði á því að fólk sinnti einstaklingsbundnum sóttvörnum og sagði alla hafa slakað of mikið á undanfarið. Nú þyrfti að taka sig á í þeim málum. 

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• 2 blogg um fréttina

Bloggað um fréttina

• Jónas Gunnlaugsson: Hver heldur þú að vilji koma öllu í vandræði? Þeir …
• Ómar Geirsson: Að kunna ekki að skammst sín.