Smitið á Austurlandi tengist lögregluþjónunum
Setja bókamerki
Tveir lögreglumenn sem voru í sóttkví á Norðurlandi eystra voru útsettir fyrir smiti þar sem þeir umgengust manneskju sem síðar kom í ljós að var smituð, á Austurlandi en um var að ræða fyrsta smitið sem upp kom á Austurlandi í annarri bylgju faraldursins hérlendis. Þetta staðfestir Þórólfur Guðnason sóttvarnalæknir í samtali við blaðamann.
Lögreglumennirnir eru ekki grunaðir um smit og sýna engin einkenni.
Smitið á Austurlandi kom upp í hálendisskála í Vatnajökulsþjóðgarði og greindist smitaða manneskjan á þriðjudag. Lögreglumennirnir tveir sinntu hálendiseftirliti norðan Vatnajökuls og hittu þar manneskju sem reyndist síðar smituð.
Fleiri smit hafa ekki komið upp á Austurlandi í kjölfar þess að fyrsta smitið greindist en þar eru ellefu í sóttkví. Ekki er vitað hvernig smitið á Austurlandi kom til.
Lögreglumennirnir tveir fara í sýnatöku og munu þeir sæta 14 daga sóttkví óháð því hvort þeir reynist smitaðir eður ei.
Fréttin hefur verið uppfærð en áður voru lögreglumennirnir sagðir grunaðir um smit. Það eru þeir ekki.
Borgin verður af milljörðum eftir dóm Hæstaréttar
Spara stórfé með olíukaupum ytra
Bergur er fallinn
Átti ekki að láta pirring bitna á sjúklingi
Búseta skortir byggingarlóðir
Hvað gerðist eiginlega í VMA?
Á algjöru frumstigi eftir þrjár vikur af verkfalli