Lögreglumaður hjá lögreglunni á höfuðborgarsvæðinu hefur verið greindur með kórónuveiruna. Ekki er talið að hann hafi smitast við störf sín hjá embættinu, að því er fram kemur í tilkynningu.

Gripið var til allra viðeigandi ráðstafana strax og málið kom upp í gær og voru þrettán aðrir lögreglumenn sendir í sóttkví vegna þessa, en að auki eru fimm lögreglumenn til viðbótar í úrvinnslusóttkví.

Unnið er að því að tryggja mönnun á vaktir vegna þeirrar stöðu sem upp er komin og miðar þeirri vinnu vel.

Embættinu var skipt upp í sótthólf frá og með hádegi sl. föstudag, 31. júlí, og því hefur ofangreint áhrif á eina lögreglustöð í umdæminu, en ekki allar fjórar.

Ekki er hægt að veita frekari upplýsingar að svo stöddu.

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• 2 blogg um fréttina

Bloggað um fréttina

• Jónas Gunnlaugsson: Bólusetja, lögreglumenn, með pillu sem öll ELÍTAN tekur, Pillan, 7 …
• Helga Dögg Sverrisdóttir: Svo vilja menn óðir sparka tuðru