Samþykktar voru á Alþingi með 57 samhljóða atkvæðum breytingar á ýmsum lögum til að mæta efnahagslegum áhrifum heimsfaraldurs kórónuveiru.

Lögin fela í sér vinnumarkaðsaðgerðir, þar á meðal framlengingu hlutabótaleiðarinnar.

Frétt af mbl.is

Hlutabótaleiðin verði framlengd til áramóta

Halldóra Mogensen, þingmaður Pírata, Guðmundur Ingi Kristinsson, þingmaður Flokks fólksins, og Logi Einarsson, formaður Samfylkingarinnar, stigu í pontu rétt fyrir atkvæðagreiðsluna og sögðu þessar breytingar ganga of skammt.

Halldóra Mogensen, þingflokksformaður Pírata. mbl.is/Kristinn Magnússon

Halldóra sagði framtíðarsýn skorta og vanskilning ríkja á aðstæðum í samfélaginu. Við værum að „missa af gríðarlega mikilvægu tækifæri til að taka utan um alla Íslendinga, að þeir séu ekki að fara á milli“. Hún sagði flokkinn engu að síður styðja frumvarpið.

Guðmundur Ingi sagði frumvarpið sæmilegt en það hefði getað orðið frábært ef tillit hefði verið tekið til allra. Margir sitji eftir launalausir, þar á meðal listamenn. „Það er ömurlegt til þess að vita að það sé hópur sem er skilinn eftir,“ sagði hann.

Logi Einarsson. mbl.is/Kristinn Magnússon

Logi sagði að tryggja þyrfti heimilum fyrirsjáanleika og eyða óvissu heimila. Tryggja þyrfti fólki sem þarf að lifa á lægstu laununum og lægstu bótunum einhvern fyrirsjáanleika. Hann bætti því við að það væri ömurlegt að ekki skyldi samþykkt tillaga um hækkun grunnatvinnuleysisbóta næstu tólf mánuði.

Tengdar fréttir

Kórónukreppan

Áfangaheimilinu lokað ef ekki er gripið inn í

• „Þetta er allt saman á fleygiferð“
• Of harðar aðgerðir í faraldrinum
• Sjá fram á minna atvinnuleysi
• „Það er best að hafa samræmi í þessu“

» Fleiri tengdar fréttir

• 1 blogg um fréttina

Bloggað um fréttina

• Ómar Geirsson: Væl og skæl fólks.