Sigríður Á. Andersen, þingmaður Sjálfstæðisflokksins, segist hafa greitt atkvæði gegn veitingu ríkisábyrgðar til Icelandair Group vegna þess að það sé ekki hlutverk ríkisins að ákveða hvaða fyrirtæki lifir og hvaða fyrirtæki deyr.

Sigríður greinir frá þessu á facebooksíðu sinni en atkvæðagreiðsla um málið fór fram á Alþingi í gærkvöldi þar sem það var samþykkt.

Frétt af mbl.is

Samþykktu ríkisábyrgð Icelandair Group

„Það er augljóst að veirufaraldurinn og viðbrögð við honum hafa bitnað mjög á flugfélögum, bæði þeim sem fyrir eru sterk á markaði og þeim sem ætla sér stærri hlut,“ skrifar hún og segir ástandið að einhverju leyti skapað af ríkisvaldinu bæði hér heima og erlendis. Bætir hún við að nýjasta lokun landsins virðist ekki vera í neinu samræmi við tilefnið.

Frétt af mbl.is

Ætla ekki að undirrita „tékka“ til Icelandair

„Það er að mínu mati ekki rökrétt framhald lokunar landsins að veita fé skattgreiðenda inn í flugfélag með margvíslegum hætti með þeim rökum að ætlunin sé að tryggja „traustar og óslitnar“ samgöngur til og frá landinu. Það er einfaldlega ekki hlutverk ríkisins að ákveða hvaða fyrirtæki lifir og hvaða fyrirtæki deyr,“ skrifar hún og telur nærtækara að draga úr þeim takmörkunum sem eru á ferðum til landsins í lögmætum tilgangi.

Tengdar fréttir

Kórónukreppan

Áfangaheimilinu lokað ef ekki er gripið inn í

• „Þetta er allt saman á fleygiferð“
• Of harðar aðgerðir í faraldrinum
• Sjá fram á minna atvinnuleysi
• „Það er best að hafa samræmi í þessu“

» Fleiri tengdar fréttir

• 1 blogg um fréttina

Bloggað um fréttina

• Óðinn Þórisson: Sigríður Á Andersen einn öflugasti stjórnmálamaður landsins