„Þetta er náttúrlega áfall fyrir þau sem lenda í því að fara í sóttkví,“ segir Ingi Ólafsson, skólastjóri Verslunarskóla Íslands. Áhyggjuefni sé að krakkar hittist utan skóla, á kvöldin og um helgar, þrátt fyrir að ströngum relgum innanhúss sé fylgt.

Í gær var greint frá því að einn nem­andi við ­skól­ann hefði greinst með kór­ónu­veiruna um helgina. Fyr­ir vikið voru fjór­tán nem­end­ur skól­ans komn­ir í sótt­kví og tveir kenn­ar­ar.

Frétt af mbl.is

Nemandi Versló greindist með veiruna

Ingi segir skólann nú óska eftir því að kennarar fái að undirgangast tvöfalda skimun, komi upp smit.

„Við berjumst fyrir því núna að litið verði á kennara sem fólk í svonefndri framvarðasveit og þeir geti farið í tvær skimanir. Við höfum stuðning frá mennta- og menningarmálaráðuneytinu í þeim efnum svo við vorum að það gangi eftir,“ segir Ingi. 

Ekki fleiri í sóttkví

Sérstök sóttvarnahólf eru í skólanum og í hverju þeirra eru tveir bekkir. Hvorum bekk er síðan skipt í tvennt og gengur kennari á milli stofanna tveggja. Þær reglur hafa ekki verið hertar í kjölfar smitsins að sögn Inga:

„Við leggjum mikla áherslu á það að krakkarnir geti komist eins mikið í hús og hægt er. Þetta er félagslega mjög erfitt fyrir nemendur,“ segir Ingi.

Ekki hafa fleiri bæst við þá fjórtán sem sendir voru í sóttkví vegna smits nemanda við Verslunarskóla Íslands sem greint var á laugardaginn síðastliðinn. Af þeim fjórtán sem sendir voru í sóttkví voru tveir kennarar, sem Ingi Ólafsson, skólastjóri Verslunarskólans, vonast til að komist í tvöfalda skimun.

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• 1 blogg um fréttina

Bloggað um fréttina

• Páll Vilhjálmsson: Verðmæti: ungmenni og ferðamaður