Heimir Már Pétursson, þáttastjórnandi Víglínunnar á Stöð 2, gantaðist með að Sigmundur Davíð Gunnlaugsson, formaður Miðflokksins, og Þorgerður Katrín Gunnarsdóttir, formaður Viðreisnar, væru um margt sammála í þætti kvöldsins. Hins vegar fór að halla undan fæti þegar líða tók á þáttinn og stjórnarskrárbreytingar og Evrópumál voru rædd.

Þorgerði var tíðrætt um þær kerfisbreytingar sem gera þyrfti hér á landi og lögfesta með nýjum og breyttum stjórnarskrárákvæðum. Í því skyni nefndi hún auðlindaákvæði stjórnarskrárinnar sem hún sagði gallað.

Þorgerður Katrín Gunnarsdóttir, fomaður Viðreisnar. mbl.is/Eggert Jóhannesson

Ósammála um áherslur

Sigmundur Davíð sagðist þá alveg geta verið sammála Þorgerði um að kerfisbreytingar þyrfti að gera hér á landi en var ekki sammála um þær tillögur sem Þorgerður kom með.

„Það má ekki vera eitthvað crazy business eins og að taka upp evru og ganga í Evrópusambandið,“ sagði Sigmundur.

Þau voru þó sammála um að breyta þyrfti fiskveiðistjórnunarkerfinu og auðlindaákvæðum stjórnarskrár á þá leið að ágóði verðmætasköpunar íslensk sjávarútvegs ætti að skila sér betur til þeirra byggðalaga þar sem verðmætasköpunin fer fram.

Tengdar fréttir

Fiskveiðistjórnunin

Vill innkalla allar aflaheimildir

• Lilja Rafney yfirgefur VG vegna svika flokksins
• Kristrún vill frekar gjöld en kerfisbreytingar
• Fáar vísbendingar um bættar strandveiðar
• Velgengnin byggð á góðri umgjörð

» Fleiri tengdar fréttir

• 2 blogg um fréttina

Bloggað um fréttina

• Óðinn Þórisson: StjórnarSkrárbreytiningar liggja fyrir
• Jóhannes Ragnarsson: Uppvakningar nýfrjálshyggju og hrunsmenningar