Fyrstu íbúar í smáhýsin í nóvember

Unnið er að undirbúningi þess að fyrstu íbúar geti flutt inn í fimm smáhýsi sem sett hafa verið upp í Gufunesi. Um er að ræða húsnæði fyrir heimilislausa og stefnt er að því að fyrstu íbúar geti komið sér fyrir í nóvember.

Áætlað er að tuttugu slík hús verði sett upp á sjö mismunandi stöðum á höfuðborgarsvæðinu á næstu árum. Fimm fyrstu húsin voru flutt upp í Gufunes á dögunum og fimmtán til viðbótar fara á sex aðra mismunandi staði á næstu mánuðum, að því er fram kemur á vef Reykjavíkurborgar.

Frétt af mbl.is

„Snýst um að einstaklingar haldi reisn sinni“

„Við hönnun smáhúsanna var mikið lagt upp úr því að þau væru smekkleg og féllu vel að umhverfi sínu. Hvert þeirra er 30 fermetrar, í öðrum enda þess er stofa og eldhús en opinn svefnkrókur í hinum með góðu skápaplássi. Í miðjunni er baðherbergi og opið anddyri. Úr stofu er gengið út á lítinn pall með skjólvegg. Lögð er áhersla á að umhverfi húsanna verði aðlaðandi, með gróðri og öðrum aðgerðum, og þá verður gætt sérstaklega að lýsingu við húsin,“ segir á vef borgarinnar.

Frétt af mbl.is

Mótmæla smáhýsum við Stórhöfða

„Smáhúsin eru öruggt húsnæði fyrir einstaklinga með vímuefna- og geðvanda, allan sólarhringinn. Því fylgir að þeir hafa greiðari aðgang að þjónustu og stuðningi. Skilyrði fyrir því að einstaklingur fái smáhúsi úthlutað er að hann sé í virkri þjónustu vettvangs- og ráðgjafateymis Reykjavíkurborgar (VoR). Teymið starfar eftir Húsnæði fyrst-hugmyndafræðinni sem gengur út á að allt fólk eigi rétt á húsnæði og geti haldið því með einstaklingsbundinni þjónustu þvert á kerfi,“ segir þar ennfremur.

• 1 blogg um fréttina

Bloggað um fréttina

• Jóhannes Ragnarsson: Umbótaöfl krataeðlisins, de la 101, flytja rónana á öskuhaugana í …