Segir Ragnar hrokafullan „grilllækni“
Setja bókamerki
Brynjar Níelsson, þingmaður Sjálfstæðisflokksins, hefur svarað ummælum Ragnars Freys Ingvarssonar, umsjónarmanns Covid-deildar á Landspítalanum, sem gagnrýndi ummæli Brynjars um viðbrögð við kórónuveirunni.
Hann talar á Facebook um Ragnar sem „grilllækninn“ sem hafi tekið fram grillspaðann í gær til að „grilla heimsku þingmannadrusluna“. Ragnar hafi náð „slíkum hæðum í hroka að þingmaðurinn, sem kallar nú ekki allt ömmu sína í þeim efnum, bliknar í samanburðinum.“
Brynjar segist hafa fengið yfir sig holskefluna, eftir að hafa talað um að hann væri mótfallinn viðamiklum aðgerðum til að hafa hemil á kórónuveirunni, ekki síst frá fólki sem telji mikilvægt fyrir lýðræðið að tala saman og skiptast á skoðunum. Bætir hann við að margir af helstu sérfræðingum í smitsjúkdómum og lýðheilsufræðum við bestu háskóla í heimi hafi sterkari skoðanir í þessa áttina en hann.
„Grilllæknirinn hefur áhyggjur að því að ég skilji ekki tölur. Hann byrjar á því að fullyrða að "fyrir hverja 1000 smitaða fáum við 32 innlagnir, 7 á gjörgæslu og 3 deyja, að minnsta kosti. Síðan segir talnaglöggi grillarinn í næstu setningu " að í þessari bylgju hafi um 1000 smitast, 24 eru á sjúkrahúsi, 4 á gjörgæslu og sem betur fer enginn dáið". Þingmaðurinn er ekki svo ótalnaglöggur að sjá ekki ósamræmi í þessum tölum grillarans,“ skrifar Brynjar.
Hann leggur í lokin til að stjórnvöld flytji inn sérfræðinga frá Norður-Kóreu til aðstoðar. „Þeir vita örugglega hvernig á að loka löndum og allri starfsemi, svo vel sé. Mér skilst að dánartíðni þar sé mjög lítil og svo hafi verið lengi og löngu fyrir tíma Covid.“
/frimg/1/53/8/1530844.jpg)
Myndir: Náttúrulegur þröskuldur að taka við
Sólveig Anna furðar sig á aðferðum kennara
Drónamyndskeið frá hápunkti gossins í nótt
Rússar sagðir útvega N-Kóreu milljón olíutunnur
Sjötti ferðamaðurinn er látinn
Viðræður ekkert þokast frá því á þriðjudag
Hótar Bretum og Bandaríkjamönnum