Stjórn Félags grunnskólakennara fer fram á að menntamálaráðherra og heilbrigðisráðherra endurskoði undanþágur frá sóttvarnareglum í grunnskólum þannig að sóttvarnareglur þar verði byggðar á sömu forsendum og annars staðar í þjóðfélaginu.

Þetta kemur fram í ályktun stjórnarinnar en stutt er síðan stjórnvöld birtu nýja reglugerð um takmörkun á skólastarfi.

Frétt af mbl.is

Reglugerð um takmörkun á skólastarfi tilbúin

„Stjórn Félags grunnskólakennara tekur undir með menntamálaráðherra að „stærsta samfélagsverkefnið“ í faraldrinum sem nú gengur yfir sé að „tryggja menntun“ barna,“ segir í ályktuninni.

Þar kemur fram að liður í markmiðinu hafi verið að innleiða almennar sóttvarnareglur í grunnskólanum. Þannig átti með samstilltu átaki í stuttan tíma að ná samfélagssmiti niður sem hefur sett þúsundir í sóttkví í grunnskólanum.

„Sú vinna sem nú er verið að kynna í formi reglugerðar grefur alvarlega undan þessu markmiði. Þar má nefna að fjórir árgangar grunnskólans eru teknir undan sóttvarnareglum um tveggja metra fjarlægðarbil og leyfi gefið fyrir allt að fimmtíu í hóp. Það getur aldrei verið réttlætanlegt að gera minni kröfur til sóttvarna barna en annarra þjóðfélagsþegna, þvert á móti ber okkur að verja þau framar öllum öðrum,“ segir í ályktuninni.

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• 2 blogg um fréttina

Bloggað um fréttina

• Páll Vilhjálmsson: Vísindi, ótti og almenn skynsemi
• Jón Bjarnason: Ekki tíminn fyrir undanþágur - Nú er að duga