Ekki nóg gert, en þó skref í rétta átt
Setja bókamerki
Tengdar fréttir
Kórónuveiran Covid-19
Logi Einarsson, formaður Samfylkingarinnar, segir viðspyrnuaðgerðir ríkisstjórnarinnar ekki vera fullnægjandi í heild sinni en þó vera skref í rétta átt. Þá séu þær seint fram komnar.
„Ég er ánægður með að ríkisstjórnin hlusti loksins á þær tillögur sem Samfylkingin hefur verið með frá því í vor,“ segir Logi í samtali við mbl.is.
„Í fyrsta lagi að stigið sé skref til að hækka grunnatvinnuleysisbætur, í öðru lagi að framlengja hlutabótaleiðina og í þriðja lagi að framlengja barnabætur til atvinnulauss fólks, sem Samfylkingin lagði til í vor og var samþykkt.“
Hafa lengi kallað eftir aðgerðum
Samfylkingin hafi þannig lengi verið á því máli að víðtækari aðgerða var þörf. „Þetta eru hlutir sem við erum búin að tala um síðan í vor og höfum lagt fram tillögur á þingi sem ítrekað hefur verið hafnað,“ segir hann.
„Þetta eru skref í rétta átt, en auðvitað hefðu þau mátt koma fyrr.“
Ekki nóg gert enn
Aðspurður segir hann ekki enn vera nóg gert til að takast á við þau efnahagsvandamál sem fylgja veirufaraldrinum.
„En það er að minnsta kosti gott að þau horfi til [tillagna Samfylkingarinnar] núna og feti sig í átt að því sem þarf að gera.“
Tengdar fréttir
Kórónuveiran Covid-19
Þarf að koma til móts við ólíkar þarfir lækna
Rússar sagðir útvega N-Kóreu milljón olíutunnur
Viðræður ekkert þokast frá því á þriðjudag
Drónamyndskeið frá hápunkti gossins í nótt
Hentugt gos fyrst gýs á annað borð
Sólveig Anna furðar sig á aðferðum kennara
Fullvissa ferðamenn um að hér sé öruggt