Berjast þarf fyrir jafnrétti kynjanna, sérstaklega á meðan á kórónuveirufaraldrinum stendur, enda segir sagan að faraldrar auki ójafnrétti.

Þetta sagði Katrín Jakobsdóttir forsætisráðherra í árvarpi sínu á aukaþingi Sameinuðu þjóðanna um Covid-19.

Frétt af mbl.is

Katrín ávarpar aukaþing SÞ um Covid-19

Hún benti á að kynbundið ofbeldi hafi aukist og bakslag hafi orðið í jafnréttismálum. Einnig sagði hún heimilisofbeldi hafa aukist um allan heim, ásamt fátækt og að mannréttindi stúlkna og kvenna séu í hættu. Konur yfirgefi vinnustaði sína til að sinna heimilinu. Berjast þurfi gegn þessari þróun.„Það er alltaf tími fyrir jafnrétti kynjanna,“ sagði hún.

Katrín nefndi einnig að Íslendingar hafi séð gildi öflugrar heilbrigðisþjónustu í faraldrinum þar sem aðgangur allra hafi verið tryggður.

Sömuleiðis vakti hún athygli á loftslagsvandanum og sagði að hann hverfi ekki þrátt fyrir baráttuna við Covid-19. Núna þurfi að sýna fordæmi í átt að hreinni framtíð. Slíkt sé ekki bara skylda gagnvart Parísarsáttmálanum heldur einnig  unga fólkinu í dag og framtíðarkynslóðum.

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• 1 blogg um fréttina

Bloggað um fréttina

• Jóhannes Ragnarsson: Frægur feitisklepri í rotþró auðvaldssamfélagsins. Er það eftirsóknarvert hlutskipti?