Framlag til RÚV eykst um 140 milljónir
Veronika Steinunn Magnúsdóttir
Setja bókamerki
Eftir aðra umræðu fjárlaga fyrir árið 2021 eykst framlag til Ríkisútvarpsins um 140 milljónir í samræmi við tekjuáætlun af útvarpsgjaldi en tekjuáætlun var uppfærð á milli fyrstu og annarrar umræðu fjárlaga.
Upphaflega var gert ráð fyrir lægri fjárframlögum til Ríkisútvarpsins á næsta ári heldur en í ár upp á 310 milljónir. 140 milljónum var bætt við á milli fyrstu og annarrar umræðu fjárlaga. Framlög til Ríkisútvarpsins á næsta ári eru samt sem áður lægri heldur en í ár.
Fleiri greiða gjaldið en gert var ráð fyrir
Þegar mbl.is innti Harald Benediktsson, varaformann fjárlaganefndar, eftir skýringum á þessu svaraði hann að gjaldendur hafi verið fleiri en gert var ráð fyrir í fjárlögum.
„Þetta er endurskoðun forsendna fyrir útvarpsgjaldinu sem er uppreiknað á hverju ári fyrir fjölda gjaldenda. Þetta er breyting í kjölfarið á því – það eru aðeins fleiri gjaldendur en gert var ráð fyrir í upphafi og því hærra innheimtuhlutfall,“ sagði hann í samtali við mbl.is.
Útvarpsgjaldið er lagt á einstaklinga á aldrinum 16-70 ára, sem eru með tekjustofn yfir tekjumörkum og hins vegar innlenda lögaðila. Nokkrir þingmenn hafa þá lagt til að útvarpsgjaldið verði innheimt með beinum hætti með rafrænum greiðsluseðli í heimabanka líkt og tíðkast með bifreiðagjöld.
Létu lofthræðsluna ekki á sig fá
Hvatti kjósendur til þess að greiða ógild atkvæði
Fæðuöryggi: „Áttum mat í þrjár vikur“
Íslensk kona handtekin á Tenerife eftir líkamsárás
Ákærður fyrir stunguárás á menningarnótt
Rannsókn á menningarnæturmáli lokið
Auka aðgengi að Grindavík