Bjarni Benediktsson, fjármála- og efnahagsráðherra og formaður Sjálfstæðisflokksins, sagði í Kastljósi í dag að hann hefði ekki brotið sóttvarnarlög. 

Samkvæmt dagbók lögreglunnar var Bjarni viðstaddur samkvæmi í Ásmundarsal á Þorláksmessukvöld sem stöðvað var af lögreglu vegna brota á sóttvörnum. 

„Ég þáði léttvín þetta kvöld og hefði ekki verið í ökuhæfu ástandi en ég var aldrei staddur í neinu partíi,“ sagði Bjarni Benediktsson í Kastljósi í kvöld spurður út í drykkju í samkvæminu.

Bjarni tók ekki undir það að tíu manna samkomutakmörk hefðu átt að gilda í Ásmundarsal umrætt kvöld heldur væri Ásmundarsalur verslun með listaverk og vísaði í tilkynningu eigenda salarins. „Fólk var þarna að kaupa listaverk,“ sagði Bjarni.

Frétt af mbl.is

Ekki hafi verið of margir í Ásmundarsal

„Það var ekkert fjölmenni í húsinu, hvorki í salnum uppi né annars staðar í húsinu þegar ég mætti á staðinn [...] Við erum sammála um að við höfum verið þarna í um það bil korter, ég bara stend við það, það er okkar viðmið og upplifun. Á þeim tíma hafi greinilega fjölgað svolítið í salnum,“ sagði Bjarni. 

„Ég braut ekki sóttvarnalög með því að mæta á sölusýningu á Þorláksmessu sem var opin,“ sagði Bjarni.

Tengdar fréttir

Sóttvarnabrot í Ásmundarsal

Brutu ekki á lögreglumönnum í Ásmundarsalar-máli

• Hlusti ekki á persónuleg samskipti lögreglumanna
• Fresta nefndarfundi vegna sumarleyfa
• Ræða Ásmundarsal og Lindarhvol
• Boðað verður til fundar í eftirlitsnefnd

» Fleiri tengdar fréttir

• 2 blogg um fréttina

Bloggað um fréttina

• Jóhannes Ragnarsson: Skýring komin á nafni Ásmundarsals - Bjarniben saklaus en McCarthy …
• Óðinn Þórisson: Hversvegna var Ríkisstjórn Sjálfstæðisflokksins, Framsóknar og VG Mynduð