Skúli Mogensen í ferðaþjónustu á ný

Athafnamaðurinn Skúli Mogensen undirbýr ásamt fjölskyldu inni opnun sjóbaða í Hvammsvík í Hvalfirði næsta sumar.

Skúli segir í samtali við ViðskiptaMoggann að unnið sé að öflun tilskilinna leyfa fyrir starfseminni. Þá taki áformin auðvitað mið af því hvernig gangi að kveða niður kórónuveiruna.

Spurður hvaða tækifæri hann sjái í rekstrinum segist Skúli hafa mikla trú á íslenskri ferðaþjónustu og Íslandi sem áfangastað.

Skúli verður framkvæmdastjóri félagsins, Hvammsvíkur sjóbaða ehf., en kveðst jafnframt vera með önnur járn í eldinum. Þau verkefni séu trúnaðarmál að sinni.