David B. Tencer, biskup kaþólsku kirkjunnar á Íslandi, hefur aflýst öllum opinberum sunnudagsmessum og vigilmessum á laugardagskvöldum. Starfsfólk kirkjunnar hefur verið beðið um að fylgja öllum sóttvarnareglum við messur á virkum dögum. Þetta kemur fram í yfirlýsingu sem hann sendi frá sér í morgun. 

Of marg­ir voru sam­an komn­ir við messu­ í Landa­kots­kirkju í gær en þetta er í annað skiptið á stuttum tíma sem það gerist. 

Frétt af mbl.is

Aftur of margir í Landakotskirkju

„Ég lýsi yfir að þrátt fyrir góðan vilja getum við ekki fylgt öllum gildandi sóttvarnareglum í sambandi við messuhald í kirkjum okkar. Með harm í hjarta hef ég tekið þá ákvörðun að aflýsa öllum opinberum sunnudags-messum og vigilmessum á laugardagskvöldum. Ákvörðunin tekur þegar gildi.

Ég bið allt starfsfólk í kirkjum okkar að fara mjög varlega og fylgja öllum reglum í messum á virkum dögum líka.

Á sama tíma bið ég alla sem bera ábyrgð á sóttvarnarreglum að breyta þeim reglum þar sem jafnræðis virðist ekki gætt. Kirkjur okkar eru ekki litlar. Ef hægt er að halda jarðarför eða jafnvel tónleika með 50 persónum, hvernig stendur þá á því að aðeins tíu manns geta verið í messu?

Hvernig á ég að útskýra það fyrir sóknarbörnum okkar að margir matsölustaðir mega taka á móti fleiri viðskiptavinum?

Hvernig á að útskýra það að í Landakotskirkju mega bara vera tíu persónur en til dæmis mega vera fleiri en tíu í gufubaði? Okkur finnst öllum erfitt að lifa við þessar aðstæður en slíkar ákvarðanir gera það enn erfiðara.

Ég bið fyrir öllum en sérstaklega þeim sem ráða þessum reglum að íhuga málin með visku og leiðrétta þetta óþægilega misræmi,“ segir í yfirlýsingu sem Tencer hefur sent til fjölmiðla.

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• 1 blogg um fréttina

Bloggað um fréttina

• Frikkinn: Ásbrú