Rögnvaldur Ólafsson, aðstoðaryfirlögregluþjónn hjá almannavörnum, segir ólíklegt að nokkur muni velja 14 daga sóttkví við komuna til landsins eftir að þeir sem það velja verða skyldaðir í farsóttarhús. Það kemur honum á óvart þegar fólk velur 14 daga fram yfir fimm daga sóttkví og segir hann um að ræða reikningsdæmi sem hann skilji ekki. 

Frétt af mbl.is

Aukið eftirlit og skylda fólk í farsóttarhús

Hingað til hefur fólk getað valið hvort það fari í tvær sýnatökur með fimm daga sóttkví á milli við komuna til landsins eða 14 daga sóttkví. Fáir hafa valið síðarnefnda kostinn en sóttvarnalæknir lagði til við heilbrigðisráðherra að allir sem hann veldu yrðu skyldaðir í farsóttarhús. Útlit er fyrir að heilbrigðisráðherra samþykki það. 

Ólíklegt að nokkur muni velja dvöl í farsóttarhúsi

Gerið þið ráð fyrir að færri muni velja 14 daga sóttkví eftir að þessi breyting verður á landamærum? 

„Mér finnst það ekki ólíklegt og það kemur í raun og veru á óvart að þetta skuli enn valið í dag. Mér finnst afar ólíklegt að nokkur muni velja þetta hér eftir. Ég alla vega yrði mjög hissa,“ segir Rögnvaldur í samtali við mbl.is.

Það vekur furðu hans að nokkur maður skuli heldur vilja 14 daga sóttkví en tvær sýnatökur með fimm daga sóttkví á milli.

„Maður skilur ekki hver velur að fara í 14 daga sóttkví þegar hann hefur möguleika á að vera í fimm daga. Þetta er reikningsdæmi sem ég skil ekki,“ segir Rögnvaldur. 

Undirbúningur fyrir framkvæmdina á því að skylda fólk í farsóttarhús er nú í gangi.

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• 1 blogg um fréttina

Bloggað um fréttina

• Þórdís Björk Sigurþórsdóttir: Þetta er ekki reikningsdæmi!