Lögreglan á höfuðborgarsvæðinu fékk ábendingu um dansleik í húsnæði við hlið veitingastaðar í miðborginni í gærkvöldi þar sem gestir fóru síðan inn á veitingastaðinn og báru áfengi og aðrar veitingar á milli. 

Um 25 einstaklingar voru kærðir fyrir brot á sóttvarnalögum á staðnum. Veitingastaðurinn ásamt ábyrgðarmanni fékk einnig kæru á sig fyrir brot á áfengislögum, það er að hafa borið áfengi út af veitingastað. Lögreglan sleit samkomunni og vísaði fólkinu út.

Á fimmta tímanum í nótt var tilkynnt um eignaspjöll í verslun í Austurbænum (hverfi 108) en þar hafði hurð verið spennt upp baka til í húsinu. Tengiliður kom á vettvang og taldi engu hafa verið stolið.

Þrír ökumenn voru stöðvaðir fyrir brot á umferðarlögum. Einn var undir áhrifum fíkniefna og án ökuréttinda en hann hefur ítrekað verið stöðvaður undir stýri sviptur ökuréttindum. Einn var á ótryggðri bifreið og sá þriðji próflaus undir stýri. 

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• 2 blogg um fréttina

Bloggað um fréttina

• Geir Ágústsson: Hvaða lagagrein var brotin?
• Ómar Geirsson: Alvara er aldrei tekin alvarlega.