Lögreglan á höfuðborgarsvæðinu er með einn í haldi út af skotárásum á húsnæði Samfylkingarinnar og bíl Dags B. Eggertssonar borgarstjóra. Maðurinn er með réttarstöðu grunaðs vegna málsins.

Þetta staðfestir Ásgeir Þór Ásgeirsson yfirlögregluþjónn við mbl.is.

Frétt af mbl.is

Skotgöt á skrifstofu Samfylkingarinnar

„Það er mikill þungi í þessari rannsókn en eins og staðan er núna getum við ekki sagt meira,“ segir hann.

Frétt af mbl.is

„Hingað og ekki lengra“

Ásgeir Þór segir að árásirnar tvær séu rannsakaðar í sameiningu. Hann getur ekki sagt hvenær maðurinn var handtekinn eða hvort lagt hafi verið hald á skotvopn á heimili hans, þar af tvo riffla, eins og kemur fram í frétt Vísis um málið. Þar herma heimildir að maðurinn hafi lengi haft horn í síðu Samfylkingarinnar.

Frétt af mbl.is

Hatursorðræða gegn stjórnmálum verið viðurkennd

Fram kemur í tilkynningu frá lögreglunni að maðurinn sé á fimmtugsaldri. „Málið er litið mjög alvarlegum augum og hefur rannsókn þess verið í algjörum forgangi hjá embættinu,“ segir í tilkynningunni.

Tengdar fréttir

Skotið á bíl borgarstjóra og húsnæði stjórnmálaflokka

„Óhugnanlegt“ að heyra af skemmdarverkunum

• Skotmálið fellt niður
• Varaborgarfulltrúa hótað
• Skotmálið á borði ákærusviðs
• Neitar sök í skotmáli á bíl borgarstjóra

» Fleiri tengdar fréttir

• 1 blogg um fréttina

Bloggað um fréttina

• Jóhannes Ragnarsson: Hryðjuverkaárásirnar á heimili frú Ingveldar og sigur hennar á hryðjuvekamanninum