Ekki fara allir farþegar eftir reglum á landamærum, þar sem fólk er skyldað til að fara í sýnatöku, sóttkví og aðra sýnatöku að fimm dögum liðnum. Dæmi er um að fólk villi vísvitandi um fyrir stjórnvöldum.

Þetta kom fram í máli Jóns Pét­urs Jóns­sonar, yf­ir­lög­regluþjóns og sviðsstjóra landa­mæra­sviðs embætt­is rík­is­lög­reglu­stjóra, á upplýsingafundi almannavarna.

Hann sagði ýmis dæmi um fólk sem færi ekki eftir reglum við komuna til landsins en einnig færu ástvinir komufarþega stundum ekki eftir reglum.

Jón Pétur sagði 90 tilvik um helgina þar sem fólk var sótt á Keflavíkurflugvöll en slíkt er ekki leyfilegt þegar fólk á að fara beint í sóttkví eftir sýnatöku á flugvellinum.

Þórólfur Guðnason sóttvarnalæknir sagði til skoðunar hvort efla þyrfti skimun á landamærum en það ræðst á næstu dögum. Hann sagði aðallega til skoðunar hvort krefja ætti fólk um neikvætt PCR-próf við komuna til landsins og hvort fólk yrði skikkað í farsóttarhús milli skimana.

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• 1 blogg um fréttina

Bloggað um fréttina

• Þorsteinn Siglaugsson: Hvert er samhengið?