2.400 skammtar frá AstraZeneca bárust í morgun
Setja bókamerki
Alls hafa 5.900 skammtar af bóluefni verið fluttir til Íslands á síðustu dögum og til stendur að nota þá alla til að bólusetja forgangshópa 2, 3, 4 og 6 í næstu viku samkvæmt upplýsingum frá embætti landlæknis.
Á miðvikudaginn bárust 2.300 skammtar af bóluefni Pfizer til landsins. Daginn eftir 1.200 skammtar af bóluefni Moderna og nú í morgun bárust 2.400 skammtar af bóluefni AstraZeneca. Þetta staðfestir Júlía Rós Atladóttir, framkvæmdastjóri Distica, í samtali við mbl.is.
Sendingar að stækka
Eins og frægt er orðið hafa tafir orðið í framleiðsluferlinu hjá AstraZeneca sem komið hefur niður á afhendingu og fyrirhugaðri afhendingu til Evrópusambandsins. Ísland er með samning við ESB um dreifingu og afhendingu bóluefnis.
Spurð hve mikið af bóluefni er nú þegar komið til lands miðað við upphaflegar áætlanir segir Júlía að magnið sé svipað og lagt var upp með í fyrstu.
„Ég held þetta sé bara svipað og til stóð. Það eru komnir um 26.000 skammtar til landsins. Planið næstu vikurnar er heldur að auka í og sendingarnar eru að stækka,“ segir Júlía.
Hluti bílastæðis undir hraun: Ómögulegt að meta tjón
Hraunið náð Njarðvíkuræð: Fylgjast með raflínu
Yfir 300 stæði fóru undir hraun
Hraunið við bílastæði Bláa lónsins
„Má segja að þetta gos hafi þjófstartað“
/frimg/1/53/8/1530844.jpg)
Myndir: Náttúrulegur þröskuldur að taka við